Разважанні Крыжовага шляху

Пан Езус прадыктаваў  гэтыя разважанні польскай містычцы Аліцыі Лянчэўскай ​(1934-2012)

На пачатку кожнай стацыі молімся:

Кланяемся Табе, Пане Езу Хрыстэ!

Бо праз крыж і муку сваю свет адкупіў Ты!

Пасля разважанняў:

Ойча наш… Вітай, Марыя… Хвала Айцу…

Ты за нас цярпеў ад ранаў, Езу Хрыстэ, змілуйся над намі!

Маці Божая Балесная, заступіся за нас!

Стацыя 1

Езус асуджаны на смерць

Не бойся суду людзей, але бойся Майго суду.

Стацыя 2

Езус бярэ крыж

Вазьмі крыж, які Я табе даў, у ім — тваё збаўленне.

Стацыя 3

Езус падае першы раз

Ты ўпадзеш шмат разоў, але Я заўсёды буду з табою, каб падняць цябе.

Стацыя 4

Езус сустракае сваю Маці

Мая Маці заўсёды з табою, каб умацаваць цябе.

Стацыя 5

Сымон Кірынэец дапамагае Езусу несці крыж

Я дапамагу табе, калі ты аслабнеш.

Стацыя 6

Вераніка выцірае твар Езуса

І вытру твой твар ад поту і слёз – Я зраблю гэта праз твайго бліжняга.

Стацыя 7

Езус падае другі раз

Кожнае наступнае падзенне будзе больш балючым, але ж ты павінна дайсці туды, дзе тваё ўваскрасенне.

Стацыя 8

Езус суцяшае ерузалемскіх жанчын

Не думай пра сябе, думай пра іншых.

Стацыя 9

Езус падае трэці раз

Тваё апошняе падзенне адкрые табе ўсю глыбіню тваёй слабасці і Маю моц.

Стацыя 10

З Езуса здзіраюць адзенне

Аддай усё, не марудзь, каб ужо цяпер Я мог апрануць цябе  ў Мяне.

Стацыя 11

Укрыжаванне Езуса

Дазволь, каб Мая Любоў пралілася з тваіх ранаў.

Стацыя 12

Езус памірае на крыжы

Памры для сябе, каб Я жыў у табе для ўсіх Маіх дзяцей.

Стацыя 13

Езуса здымаюць з крыжа

Мая Маці прытуліць цябе, у Яе абдымках ты знойдзеш палёгку.

Стацыя 14

Езуса кладуць у грабніцу

Твой зямны свет – гэта пустая магіла, з якой ты выйдзеш у вечнасць…

Стацыя 15

Уваскрасенне

… каб уваскрэснуць і радавацца Мною навекі. Амэн.