Вітаем Вас на старонцы Апостальства дапамогі душам чыстцовым

• АДДЧ — малітоўны рух, удзельнікі якога ахвяруюць свае малітвы, працу, цяжкасці, радасці і цярпенні за душы памерлых, якія церпяць у чыстцы.

• Рухам апякуецца Кангрэгацыя сясцёр памочніцаў душам чыстцовым.

• Усе мы марым, каб нашыя памерлыя блізкія мелі вечнае шчасце з Богам у небе.

• Маліцца за жывых і памерлых — адзін з 7 учынкаў міласэрнасці для душы бліжняга.

• Памерлыя ўжо не могуць самі сабе дапамагчы, а «ў нашых руках ёсць усё, што неабходна для дапамогі гэтым няшчасным душам, — малітвы, пакаянне, міласціна» (св. Ян Марыя Віянэй).

• Прыналежнасць да супольнасці дапамагае больш плённа рэалізаваць пакліканне малітвы за памерлых, а менавіта за тых, якія церпяць у чыстцы і сярод якіх могуць быць душы нашых памерлых родных.

• Дапамога душам чыстцовым — вельмі ўдзячная справа, бо гэтыя душы, збаўленыя з нашаю падтрымкаю, будуць вечна ўдзячныя нам за гэта і будуць падтрымліваць нас пры жыцці і суправаджаць падчас пераходу ў дом Нябеснага Айца.

• Сёстры памочніцы душам чыстцовым кожны дзень моляцца за ўдзельнікаў руху і замаўляюць святыя Імшы за памерлых удзельнікаў руху.

• Маліцца за душы чыстцовыя, ахвяроўваць за іх працу, цяжкасці, радасці і цярпенні.

• Рэгулярна прыступаць да святых сакрамэнтаў і клапаціцца пра ўласнае пакліканне да святасці.

• Стаць удзельнікам руху можна індывідуальна або далучыўшыся да суполкі АДДЧ, калі яна ёсць пры вашай парафіі.

• Запоўніць «Анкету ўдзельніка АДДЧ».

• Атрымаць пасведчанне ўдзельніка з малітваю «Акт штодзённага ахвяравання за памерлых».